Pynlong jingialang ‘Ka dorbar Ki Waheh Kur Ri Jaintia’ ha Khliehriat
KHLIEHRIAT:
Ka Dorbar ki waheh Kur ri Jaintia, ka la pynlong ia jingialang mynta ka sngi ha Dorbar Hall ka Khliehriat West na ka bynta ban pynshai halor ka Notification jong ka JHADC ha kaba iadei bad ka jingpynrung noh ia ki Kyrteng ki Sengkur bapher bapher kiba hap hapoh u pud u Sam ka ri lum Jaintia khnang ba kin ioh ia ka jingithuh ha ka bor jong ka District Council.
Erwin K Syiem Sutnga Ia ka jingialang la pyniaid da u ma D. Donstan Khonglah uba dei u Vice President ka Dorbar ki Waheh Kur, ri Jaintia. La ioh ia ka jingkren lamphang na u President, u ma Khroo Lamsakhiat Pariat bad na u ma Jespar Bareh, Assistant Secretary ka Dorbar.
Ha kane ka jingialang la donlang ruh u ma Erwin K Syiem Sutnga uba dei u nongaibuit ka Dorbar. U Acting President ka Synjuk Ki Rangbah ka ri u Hynniewtrep u bah RL Kharphran ha ryngkat ki katto katne ngut ki dkhot ka EC Kiba la iawan lang.
Da ka jingshim khia ki nongialam ka Dorbar Wah Kur, Ka JHADC ka la pynmih ia ka Notice ban pyndep sha ki Dolloi, Ki Seng Kur bapher kumjuh sha ka Dorbar Ki Waheh Kur ban pynkhreh ia ki thup ki Sengkur bapher bapher ban pynrung noh ia ki hapoh ka Ophis ka JHADC khnang ba Ophis kan ioh ban leh ia kiba donkam bad ban ioh ia ka jingthuh.
Ia ka report treikam lyngkot ka dorbar la kren da u Secretary ka Dorbar u ma GH Bareh.
La bynta ban ai jingkren ruh da ki President, Secretary bad ki nongmihkhmat jong ki Sengkur Kur bapher bapher.
U ma Erwin K Syiem Sutnga haba kren u la ong ba kane kadei ka kabu bah ban ioh ia ka jingithuh ia ki Dorbar Kur hapoh ka JHADC khang nehsah ka jingithuh ia ka kur ka jait bad ia ka jaitbynriew.
U la ong ba ka jingialang ka long kaba kongsan namar lyngba kane ka jingialang yn pynkhi im, ia ki Sengkur, ka Dustur ka riti bad ia ka hok riti kaba iadei bad ka kyndew ka shyiap.
Na ka liang u Acting President ka Synjuk ki Rangbah Shnong Bri u Hynniewtrep, u bah RL Kharpran u la ong, “Ha ri Khasi Jaintia kibdon haduh 5500 tam ki jait ki don ruh kiba la jan duh jait”. Kumta, lada ngim pynkhlain iaki Sengkur, ka jaitbynriew jong kan sa ia ka jingithuh Kum ka jaitbynriew kaba ai jait sha ka kmie.
Helping Phawa MDC barim, President Kur Phawa Siangshai barim
Ka Synjuk lada ka dorbar Shnong, kam dei ki Pressure group, NGO lane seng niam bad seng sain hima, kadei tang kum ka Advisory Committee ka ki sorkar jylla khamtam sha ki bor District Council kiba dei ka stieh ban iada ia ka kur ka jait, ka Dustur ka riti jong ka jaitbyn briew
Lyngba kane ka jingialang la shim ia ka rai ban tyrwa sha ka JHADC ban pynrung ia ki Synjuk, ne Dorbar Kur hapoh ka Amendment Bill ka Sixth Scheduled jong ka Constitution ka ri India.
RL Karprang, Acting President Synjuk ki Rangbah Kur, Bri U Hynniew Trep
