KHLIEHRIAT:
Ka Jaiñtia National Council JNC 7 Chnong Circle mynta ka Sngi ka 22 October 2024 hapoh ka Jingialam u Bah Mehi Rymbai incharge ka 7 Chnong Circle ryngkat u President ka 7shnong Circle bad ki Dkhot Jong ka kala leit ban buddien biang hakaba iadei bad ka jingkieng nar (RCC bridge) kaba don hapoh ka Shnong Moolamanoh EJHD iakaba la tip kyrteng kum ka “Lyngkeiñ Um-su-wai” ha u EE Shri. E. Kharnaïor ka PWD NEC Khliehriat Division naka bynta ban ioh ia ka jingtip kaba kham bniah hakaba iadei bad ka jingdawa Jong ka seng ban shna maramot noh iakato ka jingkieng.
Kum ban shu pynkynmaw ba ka seng ka lah dep ban buh ia bun tylli ki jingthoh sha ki bor kiba halor haki snem balah dep bad kumjuh sha u EE ha ka 7 Tarik December 2023 ban dawa pynshna noh iakatei ka jingkieng kaba lah jot lah pra bad kaba buh jingma ruh iaka leit ka wan Jong u Paidbah khamtam ki Paidbah ka 7shnong.
Katei ka jingkieng kaba jrong kumba 140m ka dei ka jingkieng kaba jrong tam ha East Jaintia Hills, bad kadei ka jingkieng kaba pynïasoh ïa bun tylli ki shnong kynthup ïa ki 7 shnong na Ladrymbai sha Moolamanoh, Mulang, Musniang, Musniang Rim, Moo-Nongtdu bad Lumputhoi nalor ki San Shnong kiba kynthup ïa ka Mutong, Cham Cham, Lum Shyrmit, Mukhaialong bad Pynthorsale hashwa ba kan pynïasoh biang bad u Surok bah National Highway NH-6 ha Kongong.
Haka jingiakynduh bad u EE ka seng kalah ioh iaka khubor kaba bha hakaba u EE Ula pyntip ba naka liang ka tnat PWD dang ha kane ka 14 Tarik October kalah pynbna Paidbah dakaba khot tender ban shna noh iaka jingkieng Um-Su-Wai bad ka sorkar kala mang tyngka ruh iaka jingshna Jong katei ka jingkieng kumba 19 klur 20 lakh tyngka bad iaka por ban pyndep iaka jingshna kadei hapoh 24 bnai naduh ba pynmih iaka final work order, shuh shuh u EE Ula Ong ba ka tnat Kan sa ialeh ban pynmih iaka final word order haka taiew ba Nyngkong u December 2024 ban ioh shna noh kloi iaka jingkieng.
Naka Liang Jong ka seng ka dap daka jingsngewnguh iaka tnat Jong ka PWD halor ka jingshimkhia ka jong ka ban pynurlong iakatei ka kam kaba long ka jingangnud jong u Paidbah ka 7 shnong da ki phew phew snem bad ka seng ka ai khublei ruh ia u EE ka PWD NEC Khliehriat Division iaka jingshimkhia ka jong u halor katei ka kam naduh ka jingsdang ka jingdawa Jong ka seng.
