- JOWAI:
Mynta ka sngi ka Jaintia National Council, Western Zone, haka jingialam khmat u President jong ka u Hamehi Bamon ha ka jingiadon lang ki katto katne ngut ki dkhot kiba ha khlieh duh, ki la leit iakynduh ia u Branch manager jong ka Punjab National Bank Nangbah ban iakren haka ba iadei bad ka jingdawa bad ka jingud jingthrang jong ki paidbah na katei ka shnong Nangbah West Jaiñtia hills ban pynioh ATM machine kaba long ka machine ban sei pisa ha ka shnong Nangbah, bad kane kan long ka jing myntoi kaba khraw ia ki nong shong shnong haki ba bun ki liang naka bynta ka kam pisa pilaiñ, bad naka liang u President u la ong ia u Branch manager baka seng kan sa buddien iakane ka mat hadien shi bnai ar bnai ha ka ba iadei bad kane ka jing dawa lyngba ki jingthoh, naka liang jong U Branch manager ruh u la kular u ban leh kloi kloi iaka ba donkam kumba ka seng ka la dawa.
Ha kane hi kajuh ka sngi ki dkhot ka seng ki la leit ruh ban iakynduh sa ia ka Branch manager jong ka State Bank of India Phramer Branch kaba don hapoh jong ka shnong Phramer , West Jaiñtia hills ryngkat bad ka jingthoh bad ha kane ka por ruh ka seng ka la dawa ia kane ka hi ka juh ka bynta ban pynioh iaka ATM namar ka ne ka shnong ka long ka shnong kaba long kum kawei naki centre naka bynta ki ba bun ba lang lada ha ka kamai kajih ne haka leit ka wan ki briew, te kumta namar katta ka daw ka seng ka la ong ba la don kam bha ban wanrah iaka ATM Khnang ba kan pynsuk iaki paitbah baroh,naka liang ka Manager jong ka State Bank Phramer Branch ruh ka la kular ban shim ia kane ka kam ban pynioh iaka machine ATM hakane ka shnong.
