Mynta ka sngi ka 13-11-2024, Ka Jaintia National Council Western Zone, haka jingialam khmat jong u President jong ka u samla Rangbah Hamehi Bamon bad ki dkhot jong ka ki la leit ban ia kynduh biang ia u DMHO West Jaintia Hills Districts ban buddien iakaei ka ba ki la dep ban iakren dang ha kine ki Khyndiat bnai ia shibun ki mat haka ba iadei bad ka koit ka khiah lyngba ka jingthoh ba la ai sha u DMHO haka 8-10-2024. Haka jingia kynduh biang ka JNC Western Zone ia u DMHO mynta ka sngi ka la dap daka jingsngewnguh iaka Office jong u DMHO ba ka la shim khia ia kaei kaei kaba ka seng ka la wan ban ujor ha u bnai bala dep khamtam haka ba iadei bad ka MCH ka Civil hospital barim ha Jowai, haka ba ka office ruh ka lah dep wan ban survey bad ki la rai ban pynbun ia ki jaka thiah jong ki nongpang kumba la buh jingthoh daka seng namar ka dang long kaba biang ban pynbun kaban long ruh ka jingkyrkhu bah ia ki paidbah ba bun ba lang. Hakane ka jing iakynduh ia u DMHO, ula pynpaw ruh ba iaka PHC Pdengshakap kin sa sdang noh shen ban tei daka building ba thymmai. Hakajuh ka por haka ba iadei bad ka kam post mortem ruh ne u nongiarap ia u ba trei ia ka kam post mortem ka office jong u DMHO ka la ong ba kin sa thung ia ki assistant ban iarap ia u da kaba ki shu siew daka nongsngi. Ha kane ka sngi ruh ka seng ka la buddien ia ki jingdawa jong ka bad la ioh jubab ruh naka Sorkar ban maramot noh iaka jaka ban shna ia ka Nursing College ryngkat bad ka Nursing Examination Centre kaba don ha Mukhla, West Jaiñtia Hills District kumba ka seng kala dawa.
Ka seng ka la pynpaw ruh iaka jing sngewnguh iaka sorkar baka lah shimkhia ban pdiang iaki jingdawa jong ka naka bynta ka bha ka miat hi Jong u Paidbah.
