JOWAI:
Ka jingiathep kyrteng jong ki kyrtong ban ia khun iaka election sha ka dorbar thaw aiñ ka Jaintia Hills Autonomous District Council (JHADC) ka la sdang dang mynta sngi bad napdeng ki hynriew ngut ka kynthup ruh ia kawei ka longkmie.
Kitei ki kynthup ia 3 ngut na ka NPP – u ma Ruda-oo Tang sitting MDC na 11- Shilliang Myntang, u Reformson Lamare (NPP) na 7-Nartiang Wahiajer bad u Jesse Suiam Sitting MDC (NPP) na 6-Moodymmai Nongkhroh.
Na ka Congress (INC) ki long Rikut Parien u ban ïakhun na ka 13-Saphai Sahsniang uba la wan thep kyrteng nyngkong eh.
Na ka VPP ka kong Laiawanlam Jinghun Khynriam na 9-Mynsoo Nangjngi bad u Kyrtong shimet (IND) ma Wendolin Chullai na Mukhla Ummulong.
Ka khubor na ki nongialan ka Prah ( VPP) kin thep kyrteng baroh 10 ha Khliehriat lashai ka sngi Palei namar baroh kine ki dei na thain East Jaintia Hills.
