JOWAI- SHILLONG :
Ka jingniew ia ki vote ka election MDC ka la kut ha kaba ka VPP kan synshar ha KHADC katba ka NPP bad ka UDP ka lah ban thaw sorkar ha JHADC
Ha JHADC Ka NPP ka la ioh 13 seat katba ka VPP Ka la ioh 8 seat kynthup ia ar ngut ki longkmie. Kawei pat ka longkmie ka la jop kum ka kyrtong shimet.
Ha Khasi Hills ka VPP ka la ioh haduh 17 ngut bad ka la thaw ia ka sorkar.
Bun kiba la jop ki dei ki ba dang thymmai ha kane ka kynti. Ha JHADC don ruh ki ba rim ka la jop biang kynthup ia u ma Hambertus Nongtdu, Bisonroy Iano, Aiborlang Shadap, Madonbai Rymbai, CEM Rhombor Shiwat, Moonlight Pariat bad u ma Awhoi Andrew Shullai kine baroh ki ba la ju long CEM.
