Jur ka jingtwa kyndew ha u surok bah NH 06, sahkut lut ki kali

Jur ka jingtwa kyndew ha u surok bah NH 06, sahkut lut ki kali
KHLIEHRIAT: Ka jingjur slap naduh ka miet sngi Thohdieng ka la weanrah ia ka jingtwa khyndew ha shi lynter u surok bah NH 06 ha kaba da ki spah tylli ki kali barit bad baheh ki la sah kut naduh mynta ka sngi.
Ka jingtwa khyndew ka la jia ha Tongseng Narpuh, Sunapur bad ha ki bynta jong ka Ratacherra ha kaba na ka ling ki bor District ki la trei shitom bad pynkhuid ban lait ka iaid ka ieng ki kali da kaba pyndonkam da ki puh shilum.
U surok bah NH 06 naduh na Tongseng haduh ha Rattacherra u dei u surok uba jur ka jingtwa khyndew khamtam eh ha ka por slap.
Ha ka juh ka por ka jingsahkut kali ka la jia ruh ha u surok Jowai by pass shaduh Mookyndur na ka daw ka jingsniew ar tylli ki kali.
Ha kaba iadei bad u surok bah NH 06 naduh Tongseng shaduh Rattachera ka khubor na ki pulit ki la iathuh ba ka iaid ka ieng ki trok ka la sdang ha ka por shiteng sngi mynta hynrei ka long suki namar ka jingsniew palat u surok ni