SHILLONG:
Ki Pulit ka Madanrting mynta ka sngi 10 Tarik ki la lap ia u samla uba la jah na la iing naduh ka sngi Saitjaiñ na thain Smit.
Utei u samla ba la tip kyrteng kum u Albestar Kharhujon 21 snem ba dei u khun jong ka kong Kwistina Kharhujon ba shong ba sah ha Madanrting ba dei trai shnong na Umphyrnai, dong Dymmiew u la jah rngai na la iing ha ryngkat ka Kali naduh ka step sngi Saitjaiñ 7 Tarik une u bnai September.
U la mih na iing ban leit kamai da ka Kali kaba don ia u Nomber ML05M-9284, rong stem kaba dei ka Kali Maruti Alto (Tourist).
Kiba ha iing jong utei u samla ki la ai khublei ia ki pulit ka Madanrting kiba la trei shitom ban wad ia utei u samla.
