KHLIEHRIAT ;
U Assistant Rangbah Shnong Umkiang, u ma Kynjaimon Amse u la khladnoh na ka daw ka jingia tyngkhuh Kali kaba jia hynne dang step ha ka por kumba 12:30 eiei ha Dkhiah East, East Jaintia Hills District.
Lai ngut kila mynsaw jur, ar ngut kidei na ka shnong Huroi bad u Nongniah uba na Khliehriat bad la kit ia ki sha Khliehriat Hospital ban ioh ia ka jongsumar.
U ma Kynjaimon Amse 30 snem ka rta u dei nongtreimon sngewbha ha rilum Jaintia khamtam ha ka thaiñ Narpuh bad u dei ruh ha ka juh ka por u nongiasaid aiñ ha Khliehriat.
Na ka bynta ka bha ka miat u paidbah, u Amse u la ai mukotduma sha High Court ka Meghalaya halor ka jingsniew u surok bah NH -6 bad kiwei kiwei ki kam ki iada ban iada ia ka mariang sha ki thaiñ Narpuh.
Ka jingkhlad une u samla rangbah ka long ka jingduh ym tang ia ka shnong Umkiang hynrewi ia ka rilum Jaintia hi baroh kawei.
Ka jingleit ontep ia u kan long ha ka 25 Tarik sngi U Blei ha ka por 2 baje ha u Lum jingtep ka Balang Catholic Umkiang.
